Taste The World, Half Way » Europe

Golden Sands – Bulgaria

½ Cream Milk — Fri, 22 Jan 2010 00:36:53 +0000

الدولة : بلغاريا – Bulgaria

المنطقة : فارنا – Varna

المكان : جولدن ساندس -Golden Sands

________________________________________

الطياره كانت شي يضيق الخلق

اشكال اول مرة ادري ان عندنا بالديره

كانو مخلوقات غريبة

كلش ماكنت متشجع حق السفرة

بعد ماوصلت و خذيتلي فرة بالمكان يازاتلي الديره

و اكتشفت انة الاشكال الغريبة ماكان هدفها البحر

او يمكن يكون هدفهم مراقبة مرتادي الشواطىء

المنطقه اسمها جولدن ساندس (الرمال الذهبية) فيها خوش انشطة

طقت البنانا و الدونت و البراشوت

و بعد عندهم مساج على البحر

و احلا شي انة مكدونالدز عالياال

تطلب و تاكل و تسبح كله بوقت واحد

البحر الاسود

الماي ماكان نظيف

خابط

بس الامواج تونس

كنت ماخذ وياي وصلت الايبود

واتر بروف

حدها قوية

تنفع حق السنوركلنج

snorkeling

هذا الدوشق من اقوى الاشياء

يتأجر باليوم

تحطه بوسط البحر و تخلي الماي يسحبك

هذا ياهل هندي عجبتني تتنيحته جان اصوره

المنطقه متروسة مطاعم و قهاوي

و هم عندهم خووش سوالف حق اليهال

و مدن ترفيهية صغيره و قطار حق التمشي

ولهت على الصيف

½ Cream Milk — Tue, 12 Jan 2010 20:23:31 +0000

We do everything for the perfect holiday – Switzerland

½ Cream Milk — Sat, 02 Jan 2010 00:15:28 +0000

Arc de Triomphe

½ Cream Milk — Sun, 20 Dec 2009 23:36:00 +0000

الدولة : فرنسا France -

المنطقة : باريس - Paris

المكان : قوس النصر -Arc de Triomphe

________________________________________

نابليون بونابرت Napoléon Bonaparte كان وده يبني قوس النصر عشان يخلد انتصارات جيوش الامبراطورية

بلشو بنيانة بالقرن ال 19 و خلص سنة 1836 في عهد لوي فيليب Louis Philippe

القوس موجود في ميدان شارل ديغول Charles de Gaulle

في بداية شارع الشانزلزيه Champs-Élysées

مبني في دوار متفرع من الدوار 12 شارع او جادة

للاسف العصنصير الاصنصير كان خربان يوم رحنا

صعدنا المبنى بالدري

ارتفاع المبنى 50 متر تقريبا

الصعده تهد الحيل ،

و الدري يدوخ

المبنى يطل تقريبا على معظم الاماكن المهمة في باريس

هذا دربييل (تلسكوب) يزووم ليه برج ايفيل

هذي صوره من فوق حق الشانزلزيه

Avenue des Champs-Élysées

مكتوب على طوف المبنى الداخلية 386 من اسماء قادته العسكريين

و 96 من اسماء انتصاراتة

و عقب الحرب العالميه الاولى

بنوا قبر تحت المبنى للجندي المجهول

The best hot chocolate in the planet !!

½ Cream Milk — Mon, 14 Dec 2009 21:21:45 +0000

الدولة : فرنسا France -

المنطقة : باريس - Paris

المكان : قهوة انجلينا – Angelina café

________________________________________

روحتي حق باريس كانت عبارة عن حفنه من الاماكن المميزة

قهاوي، مطاعم، محلات حلووو

كان حصادها بطن متفوخ و زيادة جم سانتي بالكرشة

اغلب الاماكن او المطاعم اول مره ازورها

و هالمره رحنا قهوة انجلينا

Angelina café

القهوة تتميزبال Hot chocolate

طعمه وايد كان لذيذ

جنة اصابع كندر مذوبينهم

و كلش ما يسحن الجبد

و عندهم منة takeaway بعد

بطلعتنا شفنا العموم قاعد يشرب الهوت جوكليت

و طالبين كيكة اسمها

Mont Blanc

فخذينالنا وحدة اكلناها بالطريج

بس كلش ما عجبتنا

مع انه على قولت البياعة تقول انه هالكيكه تعتبر من اشهر الكيك عندهم

خريطة القهوة

Ladurée – Paris

½ Cream Milk — Sat, 12 Dec 2009 23:08:04 +0000

الدولة : فرنسا France -

المنطقة : باريس - Paris

المكان : لادوريه -Ladurée

________________________________________

عبارة عن محل معجنات و كيك

يتميزون بالمكرون

المحطوطه صورته فوق

المحل اهوا مكتشف الخلطة لصنع المكرون

الذ الوجبات في باريس اكلتها في هذا المطعم

و اولها كان المكرون

عباره عن قطعتين مثل بسكوت هش و داخلهم مثل مربى او كاكاو

عندهم بالمحل 17 نوع ماكرون

هالصوره حق محلهم في مجمع جاليري لافيت

galeries lafayette

هالمجمع مثل سيلفردج لندن

كل الماركات في محل واحد

من الاشياء الحلوه في باريس انه وين ما تاكل كروسان تكون لذيذة

كنا متريقين بالمطعم و كان اول طبق نطلبة الكرواسان

و هذا الخبز مع اصابع الزبده

الاومليت مع جبن كانت شي رهيب

قهوة بالحليب

انا مو وايد مع القهوة بس ربعي وايد عجبتهم

يسمونها بالفرنسي Cafe au lait

يقدمون القهوة بروح و الحليب ينصب فوقه!!

هالكيكة نسيت شنو اسمها بس كانت جبارة

طعمها جنه فيرورو روشيه

ferrero rocher

بس الحجم العملاق

وهذا محلهم بالشنزلزيية

Hotel Chateau Frontenac – Paris

½ Cream Milk — Sun, 06 Dec 2009 21:27:06 +0000

الدولة : فرنسا France -

المنطقة : باريس - Paris

المكان : فندق شاتيو فرونتناك -Hotel Chateau Frontenac

________________________________________

اكثر شي عجبني بالفندق موقعة

تقريبا دقيقتين مشي و اكون بنص شارع الشانزلزيه

الفندق في جزء مجددينه و جزء قديم

و حاطين باللوبي لابتوب مع انترنت و طابعه يعني بزنز سنتر business center

و الفندق فيه خدمة الوايرلس wireless بالغرف بس مو بلاش

و لاني حاجز جونيور سويت فكنت ساكن بالجزء القديم لان على قولتهم السويتات كلهم بالقديم

بالنسبة للغرفة لابأس فيها

كان الدري شي غريب بالنسبة لي داخل غرفة فندق

خدمة الكونسيرج كانت ممتازة

قواهم الله ماقصرو ويانا

و العماله الموجودة بالفندق كلهم بشوشين و نفسهم حلوه

مقارنة مع الشعب الفرنسي

صراحة فندق ممتاز و اذا بزور باريس مره ثانيه راح اسكن فيه

خريطة الفندق من google map

موقع الفندق

Paris

½ Cream Milk — Wed, 25 Nov 2009 19:00:13 +0000

الدولة : فرنسا France -

المنطقة : باريس - Paris

________________________________________

باجر تبلش اجازة عيد الاضحى

عسى الله يعودة علينا و عليكم بالصحة

انشاله خلال العطلة بسافر باريس Paris- مدينة النور “la Ville Lumière”

مع اني اشوف المسمى“مدينه النور” يلوق على لاس فيغاس اكثر بس مو انا مسميها

اخر مرة رحت باريس كانت ايام المتوسط

ما اتوقع انها تغيرت وايد

اغلب دول اوربا من سنين ماشين على نفس المنوال

مايغيرون فيها شي و الناس تحب تروحلوهم

حتى المحلات اماكنها ما تتغير من سنين

قبل جم شهر كنت في لندن و كان مجمع سيلفريدج يحتفل بمرور 100 سنه على الافتتاح

قعدت افكر شنو كان اهتمام الكويتين قبل 100 سنة

يعني سنة 1909

كان في استيراد للماركات عندنا بالكويت؟

الناس كانت تهتم بالموضة؟

في ناس من الكويت كانت تروح لندن حزتها؟

مع العلم ان اول طيارة طارت بالعالم كانت سنة 1903

يعني كان حزتها يسافرون على بعارين عندنا !!

و اهناك متفرغين مسوين محلات هدوم و ماركات!!

انا وايد شطيت عن الموضوع!!

المهم

اي اقتراحات عن اماكن حلوة في باريس؟

تقرير عن باريس من قناة Travel channel

Part 1

Part 2

Photo*

Miniatürk

½ Cream Milk — Sun, 22 Nov 2009 23:10:35 +0000

الدولة : تركيا Turkey -

المنطقة : اسطنبول - Istanbul

المكان :تركيا الصغيره -Miniatürk

________________________________________

اسطنبول مدينه وايد حلوه، مع اني زرتها مرة وحدة بس

كنت حاط صوره لها في بالي انها مدينة على فد حالها

وايد فيها اماكن غريبة و حلوه

من الاماكن كانت قرية “تركيا المصغرة“ و هي عباره عن حديقه مصغره لتركيا و المعابد و الاثار الموجوده فيها

و اهيا اكبر حديقه مصغره بالعالم

صورت مجموعة صور من الحديقة

شكل الحديقة من بعيد

مدينة ماردين التركية Mardin stone houses

معبد أرتميس – Temple of Artemis

blue mosque – المسجد الازرق

مطار صبيحة – sabiha airport

حجية صوفيا – Hagia Sofia

CAĞALOĞLU HAMAMI

½ Cream Milk — Wed, 18 Nov 2009 21:18:15 +0000

الدولة : تركيا Turkey -

المنطقة : اسطنبول - Istanbul

المكان :حمام كاجالوجو-CAĞALOĞLU HAMAMI

________________________________________

قلنا مايصير واصلين تركيا و ما نشرب قهوة تركيه و هم مايصير واصلين و مانروح الحمّام التركي

القهوة شربناها بكل مكان نقعد فيه مطاعم او قهاوي

بس الحمّام التركي كنا مدورين بالانترنت عن احسن الحمّامات بتركيا قبل ما نسافر

كان اختيارنا حق حمام كاجالوجو CAĞALOĞLU HAMAMI … ترا شيّرت الاسم بالعربي اهوا مكتوب بالتركي كاجالوجو بس ما اتوقع ينطقونها جذي

الحمام مكتوب عنه في كتاب انه من اقوى الف مكان لازم تزورهم قبل ما تموت

الحمدالله يعني انا عقب ما زرت الحمام بقالي بس 999 مكان ازوره و عقب اقدر اموت براحتي

الحمام استقبل وايد شخصيات مهمة … ملوك و سياسيين و فنانيين منهم

- ادوارد الثامن King-Emperor Edward VIII (ملك المملكه المتحدة و امبراطور الهند عام (1936)

- عمر الشريف

- هاريسون فورد Harrison Ford

- جيان فرانكو فيرري Gianfranco Ferré

- جنسن بوتون Jenson Button (بطل العالم للفورملا)

- انا

تصميم الحمّام قديم

كل واحد يكون له غرفة خاصة للتبديل

نلبس فيها وزار و تكرمون نعال خشب … جنها شحّاطة الحريم

عقبها دخلونا هالغرفه العوده و كل واحد منا خذالة ربعه و طاحاو فينا تفرّك

ماسكين مفراكة خشنه و حيل تفرك باجسامنا

عبالهم قاعدين يسفطون هاموره

طاح من جسمنا اليلد الميت و الحي

طلعنا من الحمام متخثلين من كثر التكفخ

موقع الحمّام

http://www.cagalogluhamami.com.tr

Unlike