Taste The World, Half Way » Turkey

Miniatürk

½ Cream Milk — Sun, 22 Nov 2009 23:10:35 +0000

الدولة : تركيا Turkey -

المنطقة : اسطنبول - Istanbul

المكان :تركيا الصغيره -Miniatürk

________________________________________

اسطنبول مدينه وايد حلوه، مع اني زرتها مرة وحدة بس

كنت حاط صوره لها في بالي انها مدينة على فد حالها

وايد فيها اماكن غريبة و حلوه

من الاماكن كانت قرية “تركيا المصغرة“ و هي عباره عن حديقه مصغره لتركيا و المعابد و الاثار الموجوده فيها

و اهيا اكبر حديقه مصغره بالعالم

صورت مجموعة صور من الحديقة

شكل الحديقة من بعيد

مدينة ماردين التركية Mardin stone houses

معبد أرتميس – Temple of Artemis

blue mosque – المسجد الازرق

مطار صبيحة – sabiha airport

حجية صوفيا – Hagia Sofia

CAĞALOĞLU HAMAMI

½ Cream Milk — Wed, 18 Nov 2009 21:18:15 +0000

الدولة : تركيا Turkey -

المنطقة : اسطنبول - Istanbul

المكان :حمام كاجالوجو-CAĞALOĞLU HAMAMI

________________________________________

قلنا مايصير واصلين تركيا و ما نشرب قهوة تركيه و هم مايصير واصلين و مانروح الحمّام التركي

القهوة شربناها بكل مكان نقعد فيه مطاعم او قهاوي

بس الحمّام التركي كنا مدورين بالانترنت عن احسن الحمّامات بتركيا قبل ما نسافر

كان اختيارنا حق حمام كاجالوجو CAĞALOĞLU HAMAMI … ترا شيّرت الاسم بالعربي اهوا مكتوب بالتركي كاجالوجو بس ما اتوقع ينطقونها جذي

الحمام مكتوب عنه في كتاب انه من اقوى الف مكان لازم تزورهم قبل ما تموت

الحمدالله يعني انا عقب ما زرت الحمام بقالي بس 999 مكان ازوره و عقب اقدر اموت براحتي

الحمام استقبل وايد شخصيات مهمة … ملوك و سياسيين و فنانيين منهم

- ادوارد الثامن King-Emperor Edward VIII (ملك المملكه المتحدة و امبراطور الهند عام (1936)

- عمر الشريف

- هاريسون فورد Harrison Ford

- جيان فرانكو فيرري Gianfranco Ferré

- جنسن بوتون Jenson Button (بطل العالم للفورملا)

- انا

تصميم الحمّام قديم

كل واحد يكون له غرفة خاصة للتبديل

نلبس فيها وزار و تكرمون نعال خشب … جنها شحّاطة الحريم

عقبها دخلونا هالغرفه العوده و كل واحد منا خذالة ربعه و طاحاو فينا تفرّك

ماسكين مفراكة خشنه و حيل تفرك باجسامنا

عبالهم قاعدين يسفطون هاموره

طاح من جسمنا اليلد الميت و الحي

طلعنا من الحمام متخثلين من كثر التكفخ

موقع الحمّام

http://www.cagalogluhamami.com.tr

Unlike

Estra7aat alyem3aa in Turkey

½ Cream Milk — Thu, 12 Nov 2009 21:00:46 +0000

Unlike

Sufi whirling

½ Cream Milk — Mon, 09 Nov 2009 21:00:09 +0000

الدولة : تركيا Turkey -

المنطقة : اسطنبول - Istanbul

المكان :الرقص الصوفي -Sufi whirling

________________________________________

واحد من الشباب عنده عررات غريبة

من النوع يحب يحضر مسارح بلندن و برودواي

فيوم رحنا اسطنبول كان وده يحضر جلسه رقص صوفي كنوع من انواع الفنون

يعتبرونة الصوفيين نوع من انواع الاذكار

المكان كان وايد غريب

القاعة كانت في محطه قطارات

المهم

اول ما بلشوا كان في فرقه قاعده تعطي اناشيد بالتركي و احنا قاعدين مو فاهمين شالطبخه

و طالت الاناشيد لين حسينه انة ماكو رقصه

و اهما يقولون الاناشيد وايد كانت حركاتهم غريبه يهزون راسهم

حده كان من صجهم و اهما ينشدون

عقب دشو مجموعه شباب لابسين عبي سوده و وقفو جدامنا و حيونا

و بعدها قطو العبي و بلشو دوران

اول شي تذكرت عمري وانا صغير كنت ادور نفسهم بس اهما وايد طولو بالدوران

يعني اكيد دار راسهم و كل واحد حاط فوق راسه قبعه شطولها على ناريل و شكلها ثقيله

المكان وايد كان زحمه و بالغصب حصلنا تذاكر لان العرض مو كل يوم

كانت تجربة يدية بس ما اتوقع اني اكررها

واحد من ربعنا كان اغلب الوقت نايم من كثر الملل

—————————————————–

الرقص الصوفي هو نوع من أنواع الذكر عند متبعي الطريقة الصوفية. يسمى أحياناً رقص سماع ، و يكون بالدوران حول النفس و التأمل الذي يقوم به من يسمو دراويش بهدف الوصول إلى مرحلة الكمال. و يهدفون إلى كبح شهوات النفس و الرغبات الشخصية عبر الاستماع إلى الله و الموسيقى و التفكر في الله و الدوران حول النفس الذي أتى مفهومه من خلال دوران الكواكب حول الشمس.

Wikipedia

Unlike

Hagia Sophia “AyaSofia”

½ Cream Milk — Sat, 07 Nov 2009 21:00:35 +0000

الدولة : تركيا Turkey -

المنطقة : اسطنبول - Istanbul

المكان :آيا صوفيا - AyaSofia

________________________________________

وايد انصدمت من هالمتحف

شكله من بره مسجد ضخم

لما دشيت داخل دار راسي

لطوف مرسوم عليها رسومات اشخاص

و رسومات مريم العذراء

و مكتوب الله و محمد و عمر و علي، معلقين اساميهم في سقف المبنى

حسيت انه اكو تسامح ديني بالموضوع

بس عقب استوعبت ان لا تسامح ولا يحزنون

اساسها كانت كنيسة قديمه “كاتدرائية آيا صوفيا” من ايام القسطنطين يعني وايد من زمان، احترقت فبنوا مكانها كنيسة كبيره في عام 532م

و عقب فتح العثمانيون للقسطنطينيه و سموها اسطنبول حولو الكنيسه الى مسجد و بنو حولها اربع مآذن و بنوا مكان المحراب.

عقب ما اعلنو الجمهوريه التركية تحول المسجد الى متحف.

لاحظو صوره مريم العذراء بالنص و على يمينها و يسارها لفظ الجلاله و اسم الرسول

زاوية ثانيه للمتحف

شوفو حجم اللوحه بالنسبه لرفيجي عبدالله طالع قزم يمها

وايد اكو قبب بالسقف

صورة المسيح مرسومه فوق الباب

مكان المحراب و شوفوا فوق كلش اكو رسمه بالسقف

يقولون ان الرسومات كانت مغطينها ايام ماكان مسجد

اتجاه القبله

المتحف وايد ضخم و متعوب عليه ارتفاعه 100متر و ارتفاع القبه 55 متر و جدرانه اغلبها مغطيه بالفسيفساء و الاحجار الثمينة و اغلبها تعتبر اثار بيزنطية

Unlike