الدولة : كاليفورنيا – California
المنطقة : سان ديغو - San Diego
المكان : سي وورلد -SeaWorld
________________________________________
من اسمة مبين انه مكان بحري
سي وورلد عبارة عن مدينه ميمعين فيها حيوانات بحرية
و يسوون فيها عروض
و تشتهر السي وورلد بالحوت شاموه
و هذي صور للحديقه والعرض الخاص بالحوت شامو
الدولة : أمريكا America -
المنطقة : سانتا مونيكا -Santa Monica
المكان : الشارع الثالث - The Third Street Promenade
________________________________________
من الاماكن السياحيه في سانتا مونيكا (Santa Monica) هو الشارع الثالث للتنزه (The Third Street Promenade)، عباره عن شارع ممتد متروس محلات تسوق بس ما تدخله سيارات، يعني بس حق التمشي و هالشارع في وايد ماركات و ينتهي الشارع بمجمع تجاري(سانتا مونيكا مول) Santa Monica Mall الشي المميز في الشارع هو في فتره الصيف كل يوم سبت يكون تجمع الفنانين الهواه على طول الشارع، كل ماتمشي خطوتين تلاقي يا واحد يعزف جيتار او فرقه ترقص بطريقه غريبه او تلاقي يهال قاعد يطبلون على جدور و هذاك يسوي سحر و اشياء غريبة ، المكان وايد حيوي و ربشته حلوة انصح بزيارته يوم السبت عقب المغرب .
L (more…)
الدولة : أمريكا America -
المنطقة : كاليفورنيا ، اريزونا ، نيفادا ، يوتاة - California , Arizona , Nevada , Utah
المكان : مطعم ان اند آوت - In N Out
________________________________________
مع انه موجود بس في اربع ولايات امريكية (كاليفورنيا - اريزونا - نيفادا - يوتاة) الا ان شهرته وصلت للعالميه من حيث جوده الاكل
مصنف من فئه مطاعم الوجبات السريعه و الي يميزه عن باجي المطاعم الي من فئته ان جميع المكونات الي تستخدم طازجه سواءا قطع الهمبرغر او البطاط المقلي تنتج داخل الفرع يعني ماعندهم شي مثلج. ماعدا مكعبات الثلج المستخدمه في تبريد الصودا
|
